《愛回家》賈明昇｜鄒兆霆創業遇人不淑曾被呃6位數字 汲取教訓與好友再搞汽車美容生意

27歲的鄒兆霆在2017年參加第29期無綫電視藝員訓練班，入行6年拍戲機會漸增，近年更憑在《愛回家之開心速遞》中飾演「賈明昇」一角而為人認識。鄒兆霆除了一邊拍劇儲經驗外，更與圈內朋友一同創業做老闆，支持自己做演員的夢想。

同場加映：中年好聲音丨周吉佩人氣急升未做到仔女偶像 嘗盡人情冷暖：學識感恩同珍惜

{{hket:ul-video id="8271"}}{{/hket:ul-video}}

鄒兆霆接受《晴報》訪問，講述自己入行的心路歷程，原來他自小已決心做演員，「我由細到大都係睇TVB劇，覺得男主角好有型！細個嘅時候就已經幻想自己有朝一日可以入行，所以當有訓練班招生就膽粗粗咁報名面試。」

{{hket:inline-image name="337562389_955040185500621_7009791253090626263_n.jpg"}}{{/hket:inline-image}}

入行6年鄒兆霆演過不少角色，亦當然遇過無劇拍的低潮時期，但決心做演員的他並未被打沉，未有轉行的念頭。鄒兆霆說：「 當初準備簽約入行嘅時候，我爸爸就同我講，要記住『花無百日紅，人無千日好。第時無野拍，係到等運到嘅時候唔好呻就得喇！ 』所以我一入行嘅時候就有定心理準備，頭幾年無劇拍、無野做，就當自己係讀緊書，係一個學生喺TVB學嘢。要預咗低收入唔好諗錢住。」

{{hket:inline-image name="bbvv_600_600.jpg"}}{{/hket:inline-image}}

鄒兆霆一邊拍劇儲經驗，一邊亦有返part time及創業去維持生計。不過在2019年，他與友人一同創業開健身房，可惜遇人不淑，被騙去六位數字的投資金。樂觀的鄒兆霆未被這次經驗「嚇怕」，反而當自己上了一課，「人生第一次做生意，仲借咗屋企人錢…同埋以前太易相信人，連搵簽合同都無，就一個信字，就當上一課…經歷唔同嘅事、吸收多啲社會人生嘅閱歷，對將來演戲都有幫助。」

{{hket:inline-image name="316029734_187942323783182_1020286032700558280_n.jpg"}}{{/hket:inline-image}}

而最近鄒兆霆二度創業，投資5位數，與朋友一齊搞汽車美容生意，當中更有圈內朋友容天佑及陳俊堅。他表示與兩人是因在拍劇及拍節目時認識，更因有共同興趣而相熟，「因為佢哋本身都鍾意拍戲 ，點知大家都難得有共同興趣做汽車美容。我哋可以一齊做副業幫補家計，同埋之前因為疫情， 好難搵到咁彈性嘅part time。」

原來鄒兆霆的汽車美容生意是主要做「Wrap車」，即是幫汽車改色膜。他直言最初是自己上網睇完就用自己車「試刀」， 「之後我哋就再跟咗一位Wrap車界嘅大師傅學習，之後我哋不停接車wrap紙，工多藝熟，所以大家有信心就開鋪試吓！」

鄒兆霆表示做呢門生意要花費不少心力，「Wrap車就好似做藝術品，要做得好就要仔細咁做 ，一環接一環。上一個工序做得唔好都會有連帶影響。而Wrap車需要係一個無塵空間去做，有一粒塵，車身表面洗得唔夠乾淨，有污跡都會導致好多問題發生。」

他又指外面有好多同行，競爭十分大，「好多人大減價做爛市嘅情況下，我哋新入行都無辦法之下，跟住大隊減價之餘，仲要保持自己競爭力。但係咁樣就會辛苦好多 。」雖然遇到不少困難，鄒兆霆方向清晰，希望未來可以搞大生意，「唔少客人都想幫自己嘅車整靚靚，嚟緊嘅方向都會圍繞住汽車美容！」

《愛回家》賈明昇｜鄒兆霆愛犬未夠一歲已拍劇搵錢 緋聞女友吳紫韻勁錫：好似阿媽咁【下一頁】

圖片來源：受訪者提供、IG圖片、晴報圖片

撰文：林惠珊